Friday, March 06, 2009
Tuesday, March 03, 2009
အငယ်ကောင်တော့ ဒီနေ့ မလေးရှားကို လစ်ပြီ။
အလုပ်က လူရှော့ တဲ့အထဲ ပါသွားတော့ အလုပ်ပြန်ရှာတာလဲမရ။ visit pass ကို သက်တန်းပြန်တိုးလို့ လဲမရ။ နောက်ဆုံးတော့ မလေးရှား ကိုလစ်ရပြီ။
ဒီမှာ ကျောင်းအပ်လို့ တော့ရတယ်။ ဒါပေမယ့် ပထမလကို ၈၀၀ ပေးရမယ်။ နောက်လတွေကို လစဉ် ၅၀၀ ပေးရမယ် ဆိုတော့ ယောက်ဖလုပ်သူက မလေးရှားကိုသွားပြီး ပြန်ဝင်လာတာ ပိုတန်တယ်လို့ ထင်တာနဲ့ပဲ KL ကို လစ်ရပြီ။
စိတ်ပူစရာတော့ မရှိလောက်ပါဘူး။ ဟိုမှာ သူငယ်ချင်း တစ်ယောက်ရဲ့ အဖေက အလုပ်လုပ်နေတော့ လူလွှတ်ပြီး ကြိုခိုင်းလိုက်လိမ့်မယ်။
ဒီရောက်နေတဲ့ အဖေနဲ့အမေကတော့ စိတ်မချဖြစ်နေလေရဲ့။
မိန်းခလေးတွေတောင် သွားနေတာဆိုတော့ ဘာမှမဖြစ်တန်ကောင်းဘူးထင်ပါရဲ့။
သူငယ်ချင်းတွေ အားလုံးလဲအဆင်ပြေကြပါစေ။
Monday, March 02, 2009
$၄၂.၅၀ တန် နေ့လယ်စာ။
ဒီနေ့မှ ထူးထူးခြားခြား ရုံးကို ထမင်းဘူး ထဲ့မလာဖူး။
ဝယ်စားမယ် ဆိုပြီး တရုတ်ဆိုင်မှာ သွားတန်းစီပြီး ထမင်းဝယ်စား။ ပြီးတော့ အသီးသွားစားမယ်ဆိုပြီး အသီးဆိုင်ကိုလစ်၊ အသီးမ၀ယ်ခင် ဘေးနားဆိုင်မှာ 4D ၀င်ထိုးဦးမှပဲဆိုပြီး ၀င်ထိုး။
ပြန်ထွက်လာတော့မှ ကိုယ့်ပိုက်ဆံအိပ် ကိုယ်ပြန်စစ်ကြည့်တော့ ၅၀ တန် တစ်ရွက်ထဲ့လာတာ ၂ ကျပ် ပဲကျန်တော့တယ်။ သောက်ခွေး... အခုမှ သတိရတယ် ငါမှာ ပိုက်ဆံ ၄၀ ကျော်လောက်ရှိရမှာ ဘယ်ရောက်သွားပါလိမ့် ဆိုပြီး 4D ဆိုင်က ဒေါ်ကြီးတွေကို ပြန်မေး။ မသိဘူးတဲ့။ တပ်ခေါက်ပြီးပြန်လာ။ နောက်မှ ထမင်း ဆိုင်က မိန်းမ ငါ့ကို ၄၀ ကျော် အမ်းရမဲ့ဟာ ၇ ကျပ် ခွဲ ပဲ အမ်းလိုက်တယ် ထင်ပြီး သွားပြောတော့ သူက ၅၀ တန် အကြွေတွေ သေသေချာချာ အမ်းလိုက်တာ သေချာတယ်တဲ့။ ၀ယ်သူတွေ ဒီလောက်များနေတာ ဘယ်လိုလုပ် လူနဲ့ ပိုက်ဆန် ကို မှတ်မိလဲတော့ မသိဘူး
ကိုယ်ကလဲ အိပ်ချင်မူးတူးဖြစ်နေတော့ သူပဲတစ်ကယ် အမ်းလိုက်သလား။ ငါပဲ အိပ်ချင်မူးတူးနဲ့ တစ်နေရာမှာ ကျခဲ့သလား.... လားပေါင်းများစွာပေါ့။
ရင်ထဲတော့ သိပ်မကောင်းလိုက်ဖူး။ သူငယ်ချင်းတွေလဲ သတိထားပေါ့ဗျာ။
သြော် ၄၂ ကျပ်ခွဲတန် နေ့လယ်စာပါလား ဟရို့။